صحافیوں کیخلاف جرائم پر خاموشی انصاف کی آواز دبانے کے مترادف ہے: بلاول بھٹو

پاکستان پیپلز پارٹی کے چیئرمین بلاول بھٹو زرداری نے ‘صحافیوں کے خلاف جرائم کے خاتمے کے عالمی دن’ پر اپنے پیغام میں کہا ہے کہ صحافیوں کو دھمکیوں، تشدد اور قتل جیسے سنگین مظالم سے محفوظ رکھنا ریاست اور معاشرے کی مشترکہ ذمہ داری ہے۔ انہوں نے زور دیا کہ 1973 کا آئین آزادیٔ اظہار کا بنیادی حق فراہم کرتا ہے اور ملوث عناصر کو سزا سے بچنے دینا جمہوریت و قانون کی حکمرانی کے لیے سنگین خطرہ ہے۔ شہید محترمہ بینظیر بھٹو کے دور میں ضیاء الحق کے دورِ حکومت کے سیاہ پریس قوانین کے خاتمے کا حوالہ دیتے ہوئے انہوں نے اعادہ کیا کہ پی پی پی آزاد صحافت کے تحفظ کے لیے اپنی جدوجہد جاری رکھے گی کیونکہ صحافیوں کے بغیر عوام باخبر اور بااختیار نہیں بن سکتے۔