LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

روبوٹ کتوں کو سیر کرانے کیلئے انسانوں کی بھرتی، معاوضہ 20 ڈالر مقرر

Web Desk

29 October 2026

امریکہ کے ایک ٹیکنالوجی اسٹارٹ اپ نے روبوٹ کتوں کو عوامی مقامات پر سیر کرانے اور ان کی نقل و حرکت کا ڈیٹا اکٹھا کرنے کے لیے انسانوں کو باقاعدہ ملازمت پر رکھنے کا اعلان کر دیا ہے۔

کمپنی ‘ڈائمینشنل’ (Dimensional) کی جانب سے سوشل میڈیا پلیٹ فارم فیس بک کے گروپ ‘بے ایریا جابز’ میں جاری کردہ ایک اشتہار میں بتایا گیا ہے کہ انہیں روبوٹ کتوں کو شہر کے مختلف مقامات پر گھمانے کے لیے افراد کی ضرورت ہے۔ منتخب ہونے والے امیدواروں کو روزانہ 4 سے 6 گھنٹے تک ان روبوٹ کتوں کو عوامی مقامات پر سیر کرانا ہوگی، اور اس کام کے عوض انہیں فی گھنٹہ 20 ڈالر معاوضہ دیا جائے گا۔ اشتہار میں امیدواروں کو خصوصی طور پر ہدایت کی گئی ہے کہ وہ تقریباً 33 پاؤنڈ (وزنی آلات) کو محفوظ طریقے سے سنبھالنے کی جسمانی صلاحیت رکھتے ہوں، کیونکہ اگر دورانِ سیر کوئی روبوٹ کتا اچانک خراب یا ناکارہ ہو جاتا ہے، تو اسے اٹھا کر کمپنی کے دفتر تک واپس لانا بھی اسی ملازمت کا حصہ ہوگا۔ کمپنی کا یہ دفتر سان فرانسسکو کے ‘ڈاگ پیچ’ محلے میں واقع ہے جہاں سے ان روبوٹس کی سیر کا آغاز کیا جاتا ہے۔

کمپنی کے بانی اسٹیش پومیچٹر (Stas Panevchtor) کے مطابق، ڈائمینشنل ایک ایسا جدید اوپن سورس آپریٹنگ سسٹم تیار کرنے پر کام کر رہی ہے جس کے ذریعے مستقبل میں روبوٹس کو پیچیدہ اور سخت جسمانی مشقت والے کاموں کے لیے باآسانی استعمال کیا جاسکے۔ انہوں نے بتایا کہ ابتدائی تجربات سے یہ بات کھل کر سامنے آئی ہے کہ مصنوعی ذہانت (AI) کے موجودہ ایجنٹس روبوٹس کو کنٹرول کرنے کے معاملے میں انسانی آپریٹرز کے مقابلے میں انتہائی کم مؤثر ثابت ہوئے ہیں، اور اسی وجہ سے کمپنی نے روبوٹ کتوں کو انسانوں کی مدد سے سیر کرانے کا یہ منفرد تجربہ شروع کیا ہے تاکہ روبوٹس کے کنٹرول اور ان کی مجموعی کارکردگی سے متعلق قیمتی ڈیٹا اکٹھا کیا جا سکے۔

نیویارک ٹائمز سے گفتگو کرتے ہوئے اسٹیش پومیچٹر کا کہنا تھا کہ اس تجربے نے یہ واضح کر دیا ہے کہ مصنوعی ذہانت کے ایجنٹس اب بھی ہارڈویئر کو سنبھالنے اور کنٹرول کرنے میں بہت کمزور ہیں، اور حقیقی دنیا میں روبوٹس کو مؤثر انداز میں چلانے کے لیے تاحال انسانوں کی مداخلت ناگزیر ہے۔ واضح رہے کہ ڈائمینشنل کی جانب سے استعمال کیے جانے والے یہ روبوٹ کتے چین کی مشہور کمپنی ‘یونٹری’ (Unitree) سے خریدے گئے ہیں، جن میں سے ہر ایک کی قیمت دو ہزار ڈالر ہے، اور کمپنی انہیں اپنے تیار کردہ آپریٹنگ سسٹم کی آزمائش کے لیے استعمال کر رہی ہے۔