سونے کی قیمت میں بڑی کمی، فی تولہ 10 ہزار 800 روپے سستا ہوگیا

ملک بھر کی صرافہ مارکیٹوں میں سونے کی قیمت میں بڑی کمی ریکارڈ کی گئی ہے، جہاں 24 قیراط فی تولہ سونا 10 ہزار 800 روپے سستا ہو کر 4 لاکھ 9 ہزار 736 روپے کی سطح پر آ گیا ہے۔ جیولرز ایسوسی ایشن کے مطابق 10 گرام سونے کا بھاؤ بھی 9 ہزار 259 روپے گھٹ کر 3 لاکھ 51 ہزار 282 روپے ہو گیا ہے۔ مقامی مارکیٹ میں یہ کمی بین الاقوامی صرافہ مارکیٹ میں فی اونس سونے کی قیمت 108 ڈالر کمی سے 3 ہزار 872 ڈالر کی سطح پر آنے کے باعث دیکھی گئی۔ علاوہ ازیں، 24 قیراط فی تولہ چاندی کی قیمت بھی 142 روپے کی کمی کے بعد 5 ہزار 388 روپے ہو گئی ہے۔