مقامی منڈیوں میں چینی کی قیمتوں کا استحکام اولین ترجیح ہے: اسحاق ڈار

نائب وزیراعظم و وزیر خارجہ سینیٹر محمد اسحاق ڈار کی زیر صدارت کابینہ کمیٹی کے اعلیٰ سطحی اجلاس میں چینی کی برآمد کے لیے پالیسی گائیڈ لائنز کو حتمی شکل دینے کے حوالے سے تفصیلی غور کیا گیا۔ اجلاس میں آئندہ کرشنگ سیزن کے آغاز سے قبل ملک میں چینی کے حتمی ذخائر اور فراہمی کی صورتحال کا جائزہ لیا گیا۔ نائب وزیراعظم نے واضح کیا کہ چینی کی برآمد کا بنیادی مقصد مقامی کاشتکاروں کو سپورٹ کرنا، شوگر انڈسٹری کو استحکام دینا اور قومی زرمبادلہ میں اضافہ کرنا ہے، تاہم ملکی منڈیوں میں چینی کی قیمتوں کا استحکام اور صارفین کا تحفظ حکومت کی اولین ترجیح رہے گا۔ انہوں نے ہدایت کی کہ سپلائی چین کو ہموار رکھنے اور کسی بھی مصنوعی بگاڑ سے بچنے کے لیے مؤثر نگرانی کا خودکار نظام یقینی بنایا جائے