فلم کانٹے کے ہدایت کار سنجے گپتا چل بسے

بالی ووڈ کی متعدد بلاک بسٹر ایکشن فلموں کے معروف ہدایت کار اور فلم ساز سنجے گپتا صبح باتھ روم میں اچانک گرنے کے باعث انتقال کر گئے۔ غیر ملکی میڈیا کے مطابق واقعے کی مزید تفصیلات سامنے آنا ابھی باقی ہیں۔ سنجے گپتا نے بالی ووڈ کو ‘کانٹے’ (2002ء)، ‘مسافر’ (2004ء)، ‘زندہ’ (2006ء) اور ‘شوٹ آؤٹ ایٹ لوکھنڈ والا’ (2007ء) جیسی شہرہ آفاق فلمیں دیں، جن میں انہوں نے اداکار سنجے دت کے ساتھ کام کیا اور بہترین ہدایت کاری کے جوہر دکھائے۔ اس کے علاوہ انہوں نے حقیقی واقعات پر مبنی کرائم ڈرامہ فلم ‘شوٹ آؤٹ ایٹ واڈالا’ (2013ء)، ایشوریا رائے بچن کی فلم ‘جذبہ’ (2015ء) اور ہریتھک روشن کی کامیابی حاصل کرنے والی فلم ‘قابل’ (2017ء) کی بھی ہدایت کاری کی تھی۔