پاکستان سٹاک مارکیٹ میں کاروبار کا مثبت رجحان

پاکستان اسٹاک ایکسچینج (PSX) میں کاروباری ہفتے کے تیسرے روز ٹریڈنگ کا آغاز مثبت انداز میں ہوا، جہاں کے ایس ای 100 انڈیکس میں تیزی کا تسلسل برقرار رہا۔ کاروبار کے ابتدائی مرحلے میں ہی انڈیکس 223 پوائنٹس کے اضافے کے ساتھ 1 لاکھ 64 ہزار 600 پوائنٹس کی بلند سطح پر پہنچ گیا۔ واضح رہے کہ گزشتہ کاروباری دن کے اختتام پر بھی اسٹاک مارکیٹ میں زبردست تیزی دیکھی گئی تھی، جہاں 100 انڈیکس 1,428 پوائنٹس کی بڑی چھلانگ کے ساتھ 1 لاکھ 64 ہزار 467 پوائنٹس کی سطح پر بند ہوا تھا، جو سرمایہ کاروں کے اعتماد میں اضافے کو ظاہر کرتا ہے۔