ایبٹ آباد پبلک سکول کے مسائل حل کرنے کیلئے مؤثر اقدامات کیے جائیں، گورنر فیصل کریم

گورنر خیبرپختونخوا فیصل کریم کنڈی کی زیرِ صدارت ایبٹ آباد پبلک اسکول کے بورڈ آف گورنرز کا اجلاس منعقد ہوا، جس میں ادارے کے تعلیمی معیار، انتظامی امور، درپیش مسائل اور بجٹ کا تفصیلی جائزہ لیا گیا۔ اجلاس میں مشیرِ تعلیم سید عامر عبداللہ، سیکرٹری تعلیم اور اسکول پرنسپل سمیت دیگر اعلیٰ حکام نے شرکت کی۔ اس موقع پر گورنر نے اسکول کی تعلیمی خدمات کی تعریف کرتے ہوئے کہا کہ بچوں کو معیاری تعلیم کی فراہمی پر کوئی سمجھوتہ نہیں کیا جائے گا اور صوبے میں جہاں نوجوانوں کی آبادی سب سے زیادہ ہے، ایبٹ آباد پبلک اسکول جیسے مزید ادارے قائم ہونے چاہئیں۔ انہوں نے اسکول انتظامیہ کو ماہانہ بنیادوں پر پیشرفت رپورٹ جمع کرانے کی ہدایت کی اور جلد اسکول کے دورے اور یومِ والدین کی تقریب میں شرکت کی دعوت قبول کی۔