الیکشن کمیشن کا خیبرپختونخوا میں بلدیاتی انتخابات کرانے کا حکم: انتخابی شیڈول مانگ لیا گیا

الیکشن کمیشن آف پاکستان نے خیبرپختونخوا میں بلدیاتی انتخابات کرانے کا بڑا فیصلہ جاری کرتے ہوئے متعلقہ ونگ کو انتخابی شیڈول پیش کرنے کا حکم دے دیا ہے۔ الیکشن کمیشن کے جاری کردہ حکمنامے کے مطابق صوبے کے جن اضلاع میں حلقہ بندیاں مکمل ہو چکی ہیں، وہاں بلدیاتی الیکشن منعقد کرائے جائیں گے، جبکہ جن اضلاع میں ابھی تک حدبندی کا عمل مکمل نہیں ہوا وہاں فوری طور پر حلقہ بندیوں کا شیڈول جاری کرنے کی ہدایت کی گئی ہے۔ الیکشن کمیشن نے واضح کیا ہے کہ 12 قبائلی اضلاع میں فی الحال حدبندی اور بلدیاتی انتخابات نہیں ہوں گے، جس کے بعد صوبائی الیکشن ونگ نے انتخابی تیاریوں کو حتمی شکل دینا شروع کر دی ہے۔