مولانا فضل الرحمٰن کی راجہ ناصر عباس اور پی ٹی آئی وفد سے ملاقات

جمعیت علمائے اسلام (ف) کے سربراہ مولانا فضل الرحمٰن نے وفد کے ہمراہ سینیٹ میں قائدِ حزبِ اختلاف علامہ راجہ ناصر عباس سے اپوزیشن چیمبر میں ملاقات کی، جس میں چیئرمین پی ٹی آئی بیرسٹر گوہر علی خان، اسد قیصر، بیرسٹر علی ظفر، اور عامر محمود ڈوگر سمیت دونوں فریقین کے اعلیٰ رہنماؤں نے شرکت کی۔ ملاقات کے دوران خیبر پختونخوا میں ایمرجنسی اور گورنر راج کے نفاذ کی شدید الفاظ میں مذمت کرتے ہوئے اسے عوامی حاکمیت کے منافی قرار دیا گیا، جبکہ گرفتار وزیراعلیٰ، اسپیکر اور دیگر رہنماؤں کی فوری رہائی کا مطالبہ کیا گیا۔ رہنماؤں نے ملکی بحران کے حل کے لیے مولانا فضل الرحمٰن کی نئے ‘میثاقِ جمہوریت’ کی تجویز سے کامل اتفاق کرتے ہوئے جلد آل پارٹیز کانفرنس (اے پی سی) کے انعقاد اور اپوزیشن جماعتوں کا باہمی تعاون بڑھانے پر مشاورت کی۔