سانس لینے کی مخصوص مشقیں ذہنی کیفیت تبدیل کر سکتی ہیں: تحقیق

طبی ماہرین کی ایک نئی سائنسی تحقیق میں انکشاف ہوا ہے کہ ’ہائی وینٹیلیشن بریتھ ورک‘ (HVB) یعنی تیز اور گہری سانس لینے کی مخصوص مشقوں کے ذریعے بغیر کسی دوا یا منشیات کے انسان کے شعور اور ذہنی کیفیت میں مثبت تبدیلی لائی جا سکتی ہے۔ سینٹرل انسٹی ٹیوٹ آف مینٹل ہیلتھ کی ماہر ہانا اڈولفی کے مطابق ان مشقوں کو آزمانے والے افراد نے ذہنی وسعت، کائنات سے گہرے تعلق اور ’اوشینک اسٹیٹس‘ جیسے احساسات کا تجربہ کیا، جو بعض نفسیاتی اثرات رکھنے والی ادویات (LSD) کی درمیانی مقدار سے پیدا ہونے والے اثرات سے مشابہ ہیں۔ ماہرین کا کہنا ہے کہ یہ طریقہ قانونی، کم خرچ اور ادویات سے پاک ہے، جو مستقبل میں انسانی شعور کی فہم اور ذہنی صحت و نفسیاتی امراض کے علاج کے نئے طریقوں کی دریافت میں نہایت مفید ثابت ہو سکتا ہے۔