فیصلہ سنا چکے، سندھ کی قسمت کا فیصلہ یہاں کے عوام ہی کر سکتے ہیں: بلاول بھٹو

چیئرمین پاکستان پیپلز پارٹی بلاول بھٹو زرداری نے کراچی میں میڈیا سے گفتگو کرتے ہوئے واضح پیغام دیا ہے کہ سندھ کے عوام اور ان کے منتخب نمائندے اپنا فیصلہ سنا چکے ہیں، اور صوبے کی قسمت کا فیصلہ صرف یہاں کے عوام ہی کر سکتے ہیں۔ سپنسر آئی ہسپتال کے دورے کے موقع پر انہوں نے بتایا کہ پبلک پرائیویٹ پارٹنرشپ کے تحت اس ادارے کو دوبارہ فعال کر کے آنکھوں کے امراض کے لیے مفت علاج فراہم کیا جا رہا ہے۔ ملک میں مہنگائی، بے روزگاری اور بجلی کے بھاری بلوں پر تشویش کا اظہار کرتے ہوئے انہوں نے کہا کہ سندھ حکومت لیاری کو شمسی توانائی پر منتقل کرنے کے منصوبے پر کام کر رہی ہے تاکہ عوام کو ریلیف مل سکے۔ ایک سوال کے جواب میں بلاول بھٹو نے واضح کیا کہ 28 ویں آئینی ترمیم کے حوالے سے ان کی وفاقی حکومت سے کوئی بات نہیں ہوئی ہے۔