بگز بنی اور ڈیفی ڈک کی آواز دینے والے معروف وائس آرٹسٹ انتقال کرگئے

اینی میشن کی دنیا کے معروف وائس آرٹسٹ ایرک باؤزا 46 برس کی عمر میں انتقال کر گئے ہیں۔ ان کے اہل خانہ نے انسٹاگرام پر ان کے انتقال کی تصدیق کی، تاہم موت کی وجہ سامنے نہیں آ سکی۔ 7 دسمبر 1979 کو پیدا ہونے والے ایرک باؤزا کو وارنر برادرز کی اینی میٹڈ سیریز ’لونی ٹیونز‘ کے مشہور کرداروں بگز بنی، ڈیفی ڈک، پورکی پگ، ٹوئیٹی اور ووڈی ووڈپیکر سمیت متعدد عالمی شہرت یافتہ کرداروں کو آواز دینے کے لیے جانا جاتا تھا۔ انہوں نے اپنے کیریئر میں ٹیلی ویژن، فلموں اور ویڈیو گیمز کے 249 منصوبوں میں 935 وائس رولز ادا کیے، جبکہ ان کی شاندار پرفارمنس پر انہیں 2022، 2023 اور 2025 میں ایمی ایوارڈز (Children’s and Family Emmy Awards) سے بھی نوازا گیا تھا۔