اہم سائبر سکیورٹی اپ ڈیٹ کے بعد دنیا بھر میں متعدد ویب سائٹس عارضی طور پر بند

عالمی سطح پر انٹرنیٹ کے تقریباً 70 فیصد حصے اور لاکھوں ویب سائٹس کو متحرک رکھنے والی معروف پروگرامنگ زبان پی ایچ پی (PHP) میں دو انتہائی سنگین سیکیورٹی خامیوں (Vulnerabilities) کا انکشاف ہوا ہے۔ اس ناگہانی سیکیورٹی بحران کے بعد مختلف ممالک کی حکومتوں، وائٹ ہاؤس اور سائبر سیکیورٹی اداروں نے تمام ویب سائٹس کو فوری طور پر حفاظتی اقدامات اور اپ ڈیٹس لاگو کرنے کی ہدایت جاری کر دی ہے۔

سائبر سیکیورٹی اداروں کے مطابق یہ خامیاں سائبر سیکیورٹی کمپنیوں کالیف (Calif) اور وِز (Wiz) نے اوپن اے آئی (OpenAI) کے ‘ پیچ دے پلینٹ’ (Patch the Planet) پروگرام کے تحت مصنوعی ذہانت (AI) کے جدید ٹولز کا استعمال کرتے ہوئے دریافت کیں۔ اوپن اے آئی نے اسے حالیہ برسوں کے سب سے اہم سیکیورٹی مسائل میں سے ایک قرار دیا ہے، کیونکہ یہ خامیاں گزشتہ 10 سال سے زائد عرصے سے موجود تھیں لیکن نظروں سے اوجھل رہیں۔ ان خامیوں کی بدولت ہیکرز کو کسی بھی سرور کے فائل سسٹم اور ڈیٹا بیس تک براہِ راست رسائی مل سکتی ہے۔

معلومات سوشل میڈیا پر وقت سے پہلے لیک ہونے کے بعد دنیا بھر میں سیکیورٹی ہائی الرٹ کر دیا گیا ہے۔ فن لینڈ حکومت، نیدرلینڈز کی سائبر سیکیورٹی ایجنسی، بی بی سی، ایڈنبرا سٹی کونسل اور وکی پیڈیا کی پیرنٹ آرگنائزیشن وکیمیڈیا فاؤنڈیشن نے احتیاطی تدبیر کے طور پر اپنی کئی ویب سائٹس اور ڈیجیٹل سروسز کو عارضی طور پر آف لائن کر دیا ہے۔ امریکی نیشنل سیکیورٹی ایجنسی (NSA) اور جاپانی وزیراعلیٰ/وزیراعظم سانائے تاکائیچی نے تمام اداروں کو تاکید کی ہے کہ جو ویب سائٹس فوری طور پر پیچ لاگو نہیں کر سکتیں، وہ خطرے سے بچنے کے لیے اپنے سسٹمز کو عارضی طور پر بند کر دیں۔