اسحاق ڈار کی زیرِ صدارت گندم درآمد سے متعلق اجلاس، ملکی ذخائر اور طلب و رسد کا جائزہ

نائب وزیراعظم اور وزیرِ خارجہ اسحاق ڈار کی زیرِ صدارت ملک میں گندم کی درآمد، موجودہ ذخائر اور متوقع طلب و رسد کی صورتِ حال کا جامع جائزہ لینے کے لیے ایک اعلیٰ سطح کا اجلاس منعقد ہوا۔ اجلاس میں وفاقی و صوبائی حکام کو قریبی رابطہ کاری برقرار رکھنے کی ہدایت کی گئی تاکہ تمام صوبوں میں گندم کی بلا تعطل ترسیل اور قیمتوں میں استحکام کو یقینی بنایا جا سکے۔ نائب وزیراعظم نے اس بات پر زور دیا کہ گندم کی طلب و رسد میں توازن قائم رکھ کر عام صارفین کو منڈی میں قیمتوں کے اتار چڑھاؤ سے بچایا جائے اور ضرورت کے مطابق گندم کی شفاف و مؤثر درآمد کے طریقہ کار کو نافذ العمل کیا جائے تاکہ ملک گیر سطح پر غذائی تحفظ یقینی ہو سکے۔