عالمی و مقامی سطح پر سونے کی قیمتوں میں کمی ریکارڈ

بین الاقوامی اور مقامی صرافہ مارکیٹوں میں سونے اور چاندی کی قیمتوں میں کمی ریکارڈ کی گئی ہے۔ عالمی بلین مارکیٹ میں فی اونس سونا 9 ڈالر کی کمی کے بعد 4 ہزار 120 ڈالر کی سطح پر آ گیا، جس کے زیرِ اثر پاکستان میں بھی فی تولہ سونے کی قیمت میں 900 روپے جبکہ 10 گرام سونے کی قیمت میں 772 روپے کی کمی دیکھنے میں آئی۔ اس کمی کے بعد مقامی صرافہ بازاروں میں فی تولہ سونے کی قیمت 4 لاکھ 34 ہزار 536 روپے اور 10 گرام سونے کی قیمت 3 لاکھ 72 ہزار 544 روپے ہو گئی ہے۔ دوسری جانب مقامی مارکیٹ میں فی تولہ چاندی کی قیمت بھی 27 روپے کی کمی کے بعد 6 ہزار 207 روپے جبکہ 10 گرام چاندی کی قیمت 23 روپے گھٹ کر 5 ہزار 321 روپے پر بند ہوئی۔