ٹائیگر شروف حملہ آوروں کا اصل ہدف نہیں تھے، تفتیش میں اہم انکشاف

بالی ووڈ اداکار ٹائیگر شروف پر مبینہ فائرنگ کے واقعے کی تحقیقات کے دوران ممبئی کرائم برانچ کا ایک نیا انکشاف سامنے آیا ہے جس کے مطابق حملہ آوروں کا اصل ہدف ٹائیگر شروف نہیں بلکہ کوئی اور معروف فلمی شخصیت تھی۔ بھارتی میڈیا رپورٹس کے مطابق سخت سیکیورٹی کے باعث ملزمان اپنے پہلے ہدف تک رسائی حاصل کرنے میں ناکام رہے، جس کے بعد انہوں نے نسبتاً آسان ہدف سمجھتے ہوئے ٹائیگر شروف کو نشانہ بنایا۔ واضح رہے کہ چند روز قبل ممبئی کے علاقے جوہو میں فٹبال کلب سے روانگی کے وقت ہونے والی اس فائرنگ میں اداکار محفوظ رہے تھے جبکہ ان کا ڈرائیور زخمی ہو گیا تھا، جبکہ اس حملے کی ذمہ داری مبینہ طور پر لارنس بشنوئی گینگ کی جانب سے قبول کرنے کا دعویٰ بھی کیا گیا ہے۔