پاک امریکا تعلقات پر سیمینار، مشترکہ مفادات کی بنیاد پر آگے بڑھنے پر زور

امریکہ کے ٹرومین سینٹر میں ’’سلامتی سے خوشحالی تک: پاک امریکا تعلقات کا نیا دور‘‘ کے عنوان سے ایک سیمینار کا انعقاد کیا گیا جس میں سابق سفارت کاروں اور دفاعی ماہرین نے دوطرفہ تعلقات کو روایتی سلامتی کے دائرے سے نکال کر اقتصادی تعاون اور خوشحالی کی جانب بڑھانے پر زور دیا۔ سیمینار میں سردار مسعود خان، منیر اکرم، رابن ریفیل، کرنل ڈیوڈ اسمتھ اور دیگر ماہرین نے شرکت کی۔ سابق سفیر سردار مسعود خان نے کہا کہ تعلقات کو بھارت یا افغانستان کے تناظر تک محدود رکھنے کے بجائے آزادانہ شراکت داری میں بدلنا ہوگا، جبکہ رابن ریفیل نے پاکستان کے ساتھ تجارتی اور ادارہ جاتی تعاون کو مضبوط بنانے کی ضرورت پر زور دیا۔ ڈاکٹر پیٹرک کرونن اور دیگر مقررین نے اہم معدنیات، قابلِ تجدید توانائی اور تکنیکی شعبوں میں سرمایہ کاری کے وسیع مواقع اجاگر کیے۔