بریسٹ کینسر کی بروقت تشخیص سے علاج کے بہتر نتائج ممکن ہیں، مریم نواز

وزیراعلیٰ پنجاب مریم نواز شریف نے بریسٹ کینسر سے آگاہی کے عالمی دن پر اپنے پیغام میں کہا ہے کہ بریسٹ کینسر قابلِ علاج مرض ہے اور بروقت تشخیص سے بہترین نتائج حاصل کیے جا سکتے ہیں۔ انہوں نے کہا کہ لاہور میں دنیا کا سب سے بڑا نواز شریف کینسر ہسپتال تعمیر کیا جا رہا ہے جہاں ہر قسم کے کینسر کے علاج کے لیے جدید مشینری، ادویات، ریسرچ لیبارٹری اور نفسیاتی معاونت کا شعبہ قائم کیا جائے گا۔ مریم نواز شریف نے مزید بتایا کہ حکومتِ پنجاب کینسر کے مریضوں کو 10 لاکھ روپے تک مفت علاج کی سہولت فراہم کر رہی ہے جبکہ لیڈی ہیلتھ انسپکٹرز مستند ڈیٹا اکٹھا کرنے میں اہم کردار ادا کر رہی ہیں۔ انہوں نے خواتین پر زور دیا کہ وہ غیر معمولی تبدیلیوں کو نظر انداز نہ کریں اور بروقت طبی معائنہ کروائیں۔