آئی ایم سی اوور 40 کرکٹ ورلڈکپ: پاکستان نے بھارت کو شکست دے دی

گیانا میں جاری آئی ایم سی اوور 40 کرکٹ ورلڈکپ کے دوسرے میچ میں پاکستان نے روایتی حریف بھارت کو 8 وکٹوں سے شکست دے دی ہے۔ ٹاس جیت کر پہلے بیٹنگ کرتے ہوئے بھارتی ٹیم 34.3 اوورز میں 143 رنز پر آؤٹ ہو گئی، جہاں مرتضیٰ علی نے 48 اور امیت مشرا نے 38 رنز بنائے، جبکہ پاکستان کی جانب سے محمد خلیل نے 3، محمد عرفان اور فہد جبار نے 2، 2 کھلاڑیوں کو آؤٹ کیا۔ جواب میں پاکستان نے مطلوبہ ہدف 26.2 اوورز میں 2 وکٹوں کے نقصان پر حاصل کر لیا، عدنان اکمل اور شہریار غنی 63، 63 رنز کے ساتھ نمایاں رہے۔ یاد رہے کہ ایونٹ میں یہ پاکستان کی دوسری فتح ہے، اس سے قبل قومی ٹیم نے پہلے میچ میں ریسٹ آف دی کیریبیئن کو شکست دی تھی۔