حرمین شریفین کے تحفظ پر کوئی سمجھوتا نہیں ہو سکتا: ترجمان پاک فوج

ڈی جی آئی ایس پی آر لیفٹیننٹ جنرل احمد شریف چوہدری نے عرب ٹی وی کو دیے گئے انٹرویو میں کہا ہے کہ مشرقِ وسطیٰ تنازع پر مذاکرات کے ذریعے کسی نتیجے پر پہنچنا ناگزیر ہے، جبکہ مذاکراتی حل میں ناکامی اور فوجی تصادم کی صورت میں ‘مکہ الائنس’ کا اجتماعی ڈیٹرنس حرکت میں آئے گا۔ ترجمان پاک فوج نے واضح کیا کہ سعودی عرب کی خودمختاری، علاقائی سالمیت اور حرمین شریفین کا تحفظ پاکستان کے لیے اولین ترجیح ہے جس پر کوئی سمجھوتہ نہیں ہو سکتا۔ انہوں نے مزید بتایا کہ پاکستان، سعودی عرب اور ترکیہ پر مشتمل یہ اتحاد کسی خاص ملک کے خلاف نہیں بلکہ خطے میں امن، استحکام اور سلامتی کے فروغ کے لیے ہے، اور مکہ الائنس کا کوئی جارحانہ ارادہ نہیں ہے بلکہ مسلمانوں کو آپس میں لڑنے کے بجائے متحد ہونے کی ضرورت ہے۔