سرکاری حج سکیم: واجبات کی دوسری قسط جمع کرانے کیلئے ایک دن باقی

سرکاری حج اسکیم کے تحت حج واجبات کی دوسری قسط جمع کرانے کے لیے کل 20 اکتوبر کا دن آخری مقرر کیا گیا ہے، جس کے بعد وزارتِ مذہبی امور نے عازمین کو ہدایت کی ہے کہ وہ مقررہ مدت تک ادائیگی لازمی مکمل کر لیں۔ ترجمان وزارتِ مذہبی امور کے مطابق عازمینِ حج ڈیجیٹل پورٹل، پاک حج ایپ یا بینک چالان کے ذریعے واجبات جمع کرا سکتے ہیں تاکہ درخواست کی منسوخی سے بچا جا سکے۔ اس کے علاوہ عازمین کے لیے یہ بھی لازم ہے کہ وہ پورٹل سے میڈیکل فٹنس سرٹیفکیٹ ڈاؤن لوڈ کر کے ڈاکٹر سے تصدیق کرائیں اور اسے بروقت اپ لوڈ کریں۔