جسٹس حسن اظہر رضوی نے بطور قائم مقام چیف جسٹس وفاقی آئینی عدالت حلف لیا

جسٹس حسن اظہر رضوی نے وفاقی آئینی عدالت کے قائم مقام چیف جسٹس کے طور پر حلف اٹھا لیا ہے۔ وفاقی آئینی عدالت میں ہونے والی تقریبِ حلف برداری میں جسٹس عامر فاروق نے ان سے حلف لیا، جس میں ججز، عدالتی افسران، عملے اور لا افسران نے شرکت کی۔ واضح رہے کہ وفاقی آئینی عدالت کے چیف جسٹس جسٹس امین الدین خان 19 سے 22 اکتوبر تک آذربائیجان میں ترک دنیا کی آئینی عدالتوں اور آئینی دائرۂ اختیار رکھنے والے اداروں کی کانفرنس میں شرکت کی غرض سے بیرونِ ملک موجود ہیں، جن کی غیر موجودگی میں جسٹس حسن اظہر رضوی یہ فرائض سرانجام دیں گے۔