نائب وزیراعظم اسحاق ڈار ایس سی او اجلاس میں شرکت کیلئے تاجکستان روانہ

نائب وزیراعظم اور وزیرِ خارجہ اسحاق ڈار تاجکستان کے دارالحکومت دوشنبے میں شنگھائی تعاون تنظیم (ایس سی او) کے سربراہانِ حکومت کونسل کے اجلاس میں شرکت کے لیے روانہ ہو گئے ہیں۔ ترجمان دفتر خارجہ کے مطابق، اسحاق ڈار 19 اور 20 اکتوبر کو تاجکستان کے وزیراعظم قاہر رسول زادہ کی دعوت پر پاکستانی وفد کی قیادت کریں گے، جس میں چین، روس اور دیگر رکن ممالک کے وزرائے اعظم اور نمائندے بھی شرکت کر رہے ہیں۔ ایس سی او کے اس اہم اجلاس میں معیشت، تجارت، مالیات اور علاقائی رابطہ کاری سمیت تنظیم کے بجٹ سے متعلق فیصلے کیے جائیں گے۔ دورے کے دوران نائب وزیراعظم تاجک صدر اور وزیراعظم سمیت رکن ممالک کے ہم منصبوں سے دوطرفہ ملاقاتیں بھی کریں گے۔