اقوام متحدہ کے وفد کا دورہ پراسیکیوٹر جنرل پنجاب، نظام میں بہتری پر تبادلہ خیال

پراسیکیوٹر جنرل پنجاب آفس میں اقوام متحدہ کے ادارہ برائے منشیات و جرائم (UNODC) کے عالمی وفد نے دورہ کیا، جہاں پراسیکیوٹر جنرل پنجاب چوہدری عرفان صادق تارڑ سے ملاقات میں پراسیکیوشن کے نظام کو مزید مؤثر، جدید اور عالمی معیار کے مطابق بنانے کے لیے تبادلہ خیال کیا گیا۔ ارجنٹینا، چین اور امریکہ کے قانونی ماہرین پر مشتمل وفد اور ڈائریکٹر جنرل لیگل ایڈ اینڈ جسٹس اتھارٹی کو ڈائریکٹر ایڈمن محمد ارشد علی فاروقی نے پنجاب پراسیکیوشن کی کارکردگی اور جاری اصلاحاتی اقدامات پر تفصیلی بریفنگ دی۔ پراسیکیوٹر جنرل عرفان صادق تارڑ نے اس موقع پر کہا کہ پنجاب میں پراسیکیوشن کے شعبے کو جدید خطوط پر استوار کیا جا رہا ہے جس سے عوام کو بروقت انصاف کی فراہمی ممکن ہو سکے گی۔