وفاق کے ساتھ چلیں گے، سب صوبوں کے ساتھ ایک پیج پر ہوں گے: فیصل کریم کنڈی

گورنر خیبرپختونخوا فیصل کریم کنڈی نے پشاور میں میڈیا سے گفتگو کرتے ہوئے کہا ہے کہ صوبہ وفاق کے ساتھ مل کر چلے گا اور اب اختلافات کے بجائے تمام صوبوں کے ساتھ ایک پیج پر ہو کر کام کیا جائے گا۔ انہوں نے بتایا کہ صوبے کو صاف بنانے کے لیے صفائی اور تجاوزات کے خلاف آپریشن کا آغاز پشاور سے کر دیا گیا ہے جس میں کسی کی سفارش قبول نہیں کی جائے گی۔ گورنر کے پی نے مزید کہا کہ گندم کی غائب ہونے سے متعلق انکوائری جاری ہے جس کی رپورٹ جلد سامنے لائی جائے گی جبکہ غیر ضروری ترقیاتی منصوبوں اور بجلی چوری کا خاتمہ کیا جائے گا۔ انہوں نے ٹریفک نظام کو جدید کیمروں کی مدد سے بہتر بنانے اور لوڈشیڈنگ و گیس کے مسائل حل کرنے کے عزم کا بھی اعادہ کیا۔