قومی کرکٹر رضوان کے بعد امام الحق کو ڈومیسٹک کرکٹ کھیلنے کی اجازت مل گئی

قومی کرکٹ ٹیم کے اوپننگ بلے باز امام الحق کو پاکستان کرکٹ بورڈ (PCB) کی جانب سے ڈومیسٹک کرکٹ کھیلنے کی اجازت مل گئی ہے۔ پی سی بی ذرائع کے مطابق امام الحق پیٹرنز ٹرافی گریڈ ون کے آخری راؤنڈ میں آئل اینڈ گیس ڈیولپمنٹ کمپنی لمیٹڈ (OGDCL) کی نمائندگی کریں گے، جس کی تصدیق او جی ڈی سی ایل انتظامیہ نے بھی کر دی ہے۔ یاد رہے کہ اس سے قبل قومی وکٹ کیپر بلے باز محمد رضوان کو بھی فرسٹ کلاس کرکٹ میں شرکت کی اجازت دی گئی تھی، جس کے بعد قومی کرکٹرز کی ڈومیسٹک کرکٹ میں واپسی کو ایک اہم پیش رفت قرار دیا جا رہا ہے۔