آئی سی سی ٹیم کے اسلام آباد میں ڈیرے، انگلش کھلاڑیوں کے ڈوپ ٹیسٹ کئے

انٹرنیشنل کرکٹ کونسل (ICC) کی 5 رکنی اینٹی ڈوپنگ ٹیم نے اسلام آباد کے ایک مقامی ہوٹل میں قیام پذیر انگلینڈ کرکٹ ٹیم کے کھلاڑیوں کے اچانک ڈوپ ٹیسٹ کیے ہیں۔

ذرائع کے مطابق آئی سی سی کی اینٹی ڈوپنگ ٹیم نے 18 اکتوبر کو سہ پہر 3 بجے سے ساڑھے 4 بجے کے درمیان انگلش کرکٹرز سے یورن اور بلڈ سیمپلز حاصل کیے۔ یہ اقدام سہ ملکی ون ڈے انٹرنیشنل سیریز کے شفاف انعقاد اور عالمی کھیل کی ریگولیٹری پالیسیوں کی پاسداری کو یقینی بنانے کے لیے اٹھایا گیا ہے۔

ذرائع نے بتایا ہے کہ آئی سی سی کی اس خصوصی اینٹی ڈوپنگ ٹیم میں ڈاکٹر اویس، ڈاکٹر علی یوسف، ڈاکٹر نعیم احمد، ڈاکٹر عمر مسعود اور ڈاکٹر حنا شامل تھے۔ حاصل کیے گئے تمام نمونوں کو بین الاقوامی معیار کے مطابق لیبارٹری تجزیے کے لیے بھیج دیا گیا ہے۔