فلسطینی نژاد طالبعلم محمود خلیل کا ملک بدری سے بچنے کیلئے امریکی سپریم کورٹ سے رجوع
Web Desk
20 October 2026
فلسطینی نژاد امریکی سماجی کارکن اور کولمبیا یونیورسٹی کے سابق طالب علم محمود خلیل نے ممکنہ دوبارہ گرفتاری اور ملک بدری کی کارروائی سے بچنے کے لیے امریکی سپریم کورٹ کا دروازہ کھٹکھٹا دیا ہے۔
محمود خلیل کے وکلا نے سپریم کورٹ میں اپیل دائر کرتے ہوئے استدعا کی ہے کہ وہ ماتحت اپیلز کورٹ کے اس فیصلے کو کالعدم قرار دے جس کے تحت سابقہ عدالتی حکم کی مدت ختم ہونے پر ٹرمپ انتظامیہ کے لیے انہیں دوبارہ حراست میں لے کر ملک بدر کرنے کی راہ ہموار ہو سکتی ہے۔ اس سے قبل امریکی اپیل کورٹ نے اپنے فیصلے میں موقف اختیار کیا تھا کہ امیگریشن قوانین کے تحت ضلعی عدالت کے پاس خلیل کی حراست سے رہائی کا حکم جاری کرنے کا قانونی اختیار موجود نہیں تھا۔
واضح رہے کہ محمود خلیل کو مارچ 2025 میں کولمبیا یونیورسٹی میں فلسطین کے حق میں ہونے والے احتجاجی مظاہروں میں متحرک کردار ادا کرنے پر حراست میں لیا گیا تھا، تاہم جون 2025 میں عدالت نے ان کی رہائی کا حکم دیا تھا۔ امریکی حکومت کا الزام ہے کہ خلیل نے مظاہروں کے ذریعے یہودی طلبہ کے لیے ناموافق ماحول پیدا کیا، جبکہ محمود خلیل کا موقف ہے کہ انتظامیہ کی یہ کارروائی ان کے آئینی و جمہوری حقِ آزادیِ اظہار کو دبانے کی مجرمانہ کوشش ہے۔ فی الوقت ان کی دوبارہ گرفتاری پر عارضی عدالتی سٹے برقرار ہے جس کے حتمی مستقبل کا فیصلہ سپریم کورٹ کرے گی۔
متعلقہ عنوانات
بلٹ پروف اور لگژری گاڑیوں کی وائرل ویڈیو کا معاملہ، مزید تین افراد گرفتار
22 November 2026
بلوچستان کے ضلع خضدار اور گردونواح میں زلزلے کے جھٹکے، شدت 3.6 ریکارڈ
22 November 2026
پاک چین دوستی کا تاریخ ساز سنگِ میل ،شین زو-24کی لانچنگ کی مشق کامیابی سے مکمل
22 November 2026
پاکستان میں جوہری سلامتی پر عالمی اجلاس آج سے شروع ہوگا
22 November 2026
مریم نواز کا بابا گرو نانک کے جنم دن کی تقریبات میں شرکت کرنیوالے سکھ یاتریوں کا خیرمقدم
22 November 2026
خیبرپختونخوا کیلئے 160 ارب روپے کا ترقیاتی پیکج، صوبے کو 10 ارب روپے جاری
22 November 2026
موسمیاتی تبدیلی ہماری تہذیب اور تاریخی ورثے کیلئے بڑا خطرہ بن چکی: مصدق ملک
22 November 2026
میرعلی سے دہشت گردوں کا چھپایا گیا اسلحہ اور بارودی مواد کا بڑا ذخیرہ برآمد
22 November 2026