مجھے کسی کو کچھ ثابت نہیں کرنا، نہ ہی جواب دینا ہے: سلمان علی آغا

قومی کرکٹ ٹیم کے مڈل آرڈر بیٹر سلمان علی آغا نے راولپنڈی میں پریس کانفرنس کرتے ہوئے کہا ہے کہ انہیں کسی کو کچھ ثابت کرنے یا جواب دینے کی ضرورت نہیں ہے اور وہ تینوں فارمیٹس میں یکساں انداز سے کھیلتے ہیں۔ انہوں نے اعتراف کیا کہ گزشتہ تین ٹیسٹ میچز ان کے لیے اچھے نہیں رہے تاہم وہ پچھلے چار سال سے مسلسل پرفارم کر رہے ہیں اور انٹرنیشنل کرکٹ میں فارم بحال کرنے میں کچھ وقت لگتا ہے۔ سلمان علی آغا نے ڈومیسٹک کرکٹ کی اہمیت پر زور دیتے ہوئے کہا کہ ہم اپنی ڈومیسٹک کرکٹ کو عزت نہیں دیتے حالانکہ وہاں رنز بنانا آسان نہیں ہے، اور ڈومیسٹک کرکٹ کھیلنے والے کھلاڑیوں کی حوصلہ افزائی کی جانی چاہیے۔ اس کے علاوہ انہوں نے واضح کیا کہ ان کی حالیہ سنچری کے بعد کا جشن ان کے بیٹے کے لیے تھا۔