وزیراعظم نے اسلام آباد میں دانش سکول کاافتتاح کردیا

وزیراعظم شہباز شریف نے وفاقی دارالحکومت اسلام آباد میں 30 ایکڑ رقبے پر محیط دانش سکول کا باضابطہ افتتاح کر دیا ہے۔ افتتاحی تقریب کے موقع پر دی گئی بریفنگ میں بتایا گیا کہ سکول میں چھٹی، ساتویں اور آٹھویں کلاسز کا آغاز کر دیا گیا ہے، جہاں مختلف علاقوں کے 360 ہونہار اور مستحق بچے بچیوں کو سو فیصد میرٹ کی بنیاد پر شفاف انداز میں داخلہ فراہم کیا گیا ہے۔ سکول میں لڑکوں اور لڑکیوں کے لیے علیحدہ اکیڈمک بلاکس قائم کیے گئے ہیں جن میں 24 کلاس رومز، سائنس، آئی ٹی، روبوٹکس لیبز اور ای لائبریری جیسی جدید تعلیمی سہولیات شامل ہیں، جبکہ ابتدائی طور پر 38 اساتذہ کی بھرتی مکمل کر لی گئی ہے۔