میرا بیٹا بے گناہ ہے: حنا جاوید قتل کیس میں گھریلو ملازم ذیشان کے والدین سامنے آ گئے

حنا جاوید قتل کیس میں گرفتار گھریلو ملازم ذیشان ارشد کے والد محمد ارشد نے دعویٰ کیا ہے کہ ان کے بیٹے کو بے گناہ پھنسا کر قتل کا تمام تر الزام اس پر ڈالنے کی کوشش کی جا رہی ہے۔ جیل میں بیٹے سے ملاقات کے بعد والد کا کہنا تھا کہ 20 اگست کی رات مقتولہ حنا جاوید اور ان کے شوہر فیصل اصغر کے درمیان شدید جھگڑا ہوا تھا، جس پر فیصل اصغر نے تشدد کر کے اور اسلحے کے زور پر ذیشان کو مقتولہ کو پکڑنے پر مجبور کرنے کی کوشش کی۔ محمد ارشد کے مطابق ان کے بیٹے نے میاں بیوی کے معاملے میں مداخلت سے انکار کیا تھا، تاہم پولیس نے ذیشان سے تشدد کے ذریعے زبردستی اعترافی بیان لیا ہے اور اصل ملزم کو بچانے کے لیے تمام الزام گھریلو ملازم پر منتقل کر دیا ہے۔