ایک سال میں 15لاکھ پاکستانی بچے انٹرنیٹ پر جنسی ہراسانی کا شکار ہوئے: یونیسیف

اقوام متحدہ کے بچوں کے فلاحی ادارے (UNICEF) کی تحقیقاتی رپورٹ میں انکشاف کیا گیا ہے کہ صرف ایک سال کے دوران تقریباً 15 لاکھ پاکستانی بچوں نے انٹرنیٹ پر جنسی ہراسانی کا سامنا کیا ہے۔ یونیسف کے مطابق متاثرہ بچوں میں سے 57 فیصد نے خوف، شرم اور معاشرتی بدنامی کے باعث ان واقعات کے بارے میں کسی کو نہیں بتایا۔ رپورٹ میں بتایا گیا ہے کہ آن لائن ہراسانی میں سوشل میڈیا کا حصہ 44 فیصد ہے جبکہ 85 فیصد کیسز میں ملزمان بچوں کے واقف کار تھے۔ ادارے نے مصنوعی ذہانت (AI) سے بچوں کی جعلی تصاویر بنانے کے عمل کو نیا ابھرتا ہوا خطرہ قرار دیتے ہوئے والدین کو بچوں کی انٹرنیٹ سرگرمیوں پر کڑی نظر رکھنے کی ہدایت کی ہے، اور حکومت سے قانونی نظام میں موجود خامیاں دور کرنے کا مطالبات کیا ہے۔