آئینی عدالت: بشریٰ بی بی کی سزا معطلی کی درخواست ناقابل سماعت قرار

وفاقی آئینی عدالت کے دو رکنی بینچ نے بشریٰ بی بی کی سزا معطلی کی درخواست کو ناقابلِ سماعت قرار دیتے ہوئے خارج کر دیا ہے۔ چیف جسٹس امین الدین خان کی سربراہی میں قائم بینچ نے سماعت کی، جس کے دوران بشریٰ بی بی کے وکیل سلمان صفدر نے خاتون ہونے اور نیب کی کارروائی میں تاخیر کو بنیاد بنا کر سزا کی معطلی اور ضمانت کا قانونی جواز پیش کیا۔ تاہم عدالت نے دونوں فریقین کے دلائل مکمل ہونے اور تحریری پوائنٹس جمع کرائے جانے کے بعد محفوظ کیا گیا مختصر فیصلہ سناتے ہوئے درخواست کو قانونی طور پر ناقابلِ سماعت قرار دے دیا۔