11 اکتوبر کو اس ایوان کا بھی جنازہ نکل چکا، بیرسٹر گوہر

قومی اسمبلی کے اجلاس کے دوران پی ٹی آئی چیئرمین بیرسٹر گوہر علی خان اور اسپیکر قومی اسمبلی کے درمیان پارلیمانی روایت پر شدید تکرار ہوئی۔ سابق رکن اسمبلی محمود بشیر ورک کی وفات پر دعا اور اجلاس ملتوی کرنے سے متعلق گفتگو کرتے ہوئے بیرسٹر گوہر نے کہا کہ رکن اسمبلی کی وفات پر اجلاس ملتوی ہوتا ہے تاہم 11 اکتوبر کو اس ایوان کا بھی جنازہ نکل چکا ہے، انہوں نے مؤقف اپنایا کہ خیبرپختونخوا کی صورتحال غیر آئینی تھی اور اپوزیشن دنگا فساد کے بجائے بات چیت چاہتی ہے۔ اس پر اسپیکر قومی اسمبلی نے واضح کیا کہ مرحوم ارکان کو خراجِ تحسین پیش کرنے کی قائم کردہ روایت کو ختم نہیں کیا جا سکتا۔ اسپیکر نے جب ایوان سے پوچھا کہ کیا آج اس روایت کو توڑنا چاہیے، تو حکومتی و اتحادی اراکین نے یک زبان ہو کر ’نو نو‘ میں جواب دیتے ہوئے کارروائی منسوخ کرنے کے برعکس معمول کی کارروائی جاری رکھنے کی مخالفت کی۔