موسمیاتی تبدیلی سے نمٹنے کیلئے عالمی تعاون، سائنسی تحقیق ناگزیر: مصدق ملک

وفاقی وزیر برائے موسمیاتی تبدیلی ڈاکٹر مصدق ملک نے کہا ہے کہ موسمیاتی تبدیلی کسی سرحد کی پابند نہیں ہے اور اس عالمی چیلنج سے نمٹنے کے لیے سائنس، ٹیکنالوجی اور عالمی تعاون ناگزیر ہے۔ آئس لینڈ میں ‘آرکٹک سرکل اسمبلی’ سے خطاب کرتے ہوئے انہوں نے نشاندہی کی کہ پاکستان ان ممالک میں شامل ہے جو گلیشیئرز پگھلنے، سطح سمندر میں اضافے اور غیر معمولی موسمی شدت سے شدید متاثر ہو رہے ہیں۔ وفاقی وزیر نے آرکٹک اور ہمالیائی خطوں کے درمیان سائنسی اشتراک پر زور دیتے ہوئے عالمگیر محققین اور طلبہ کے لیے ’ورچوئل گرین یونیورسٹی‘ کے قیام کی تجویز پیش کی۔ انہوں نے عالمی برادری اور سرمایہ کاروں پر زور دیا کہ وہ موسمیاتی انصاف کے تحت گرین ٹیکنالوجی، ماحول دوست کاروبار، پانی اور توانائی کے بنیادی ڈھانچے میں پاکستان جیسے متاثرہ ممالک کے ساتھ تعاون بڑھائیں۔