وزیراعظم کا پاکستانی ہنر مندوں کیلئے یورپ میں قانونی روزگار بڑھانے پر زور

وزیراعظم محمد شہباز شریف نے اسلام آباد میں یورپی یونین کے کمشنر برائے داخلی امور و مائیگریشن میگنس برونر (Magnus Brunner) سے ملاقات کے دوران کہا ہے کہ غیر قانونی ہجرت کی روک تھام کے ساتھ ساتھ محفوظ، منظم اور قانونی ہجرت کے عملی مواقع فراہم کرنا ناگزیر ہے۔ وزیراعظم نے واضح کیا کہ پاکستانی ہنر مند کارکنوں اور پیشہ ور افراد کے لیے قانونی ویزا و ہجرت کی راہ ہموار کرنے سے یورپی ممالک کی لیبر مارکیٹ کی ضروریات پوری ہوں گی اور انسانوں کی سمگلنگ کے خطرات کا بھی سدِباب ہو سکے گا۔ ملاقات کے دوران ’پاکستان یورپی یونین اسٹریٹجک انگیجمنٹ پلان 2019‘ کے تحت باہمی تعاون مضبوط بنانے پر اتفاق کیا گیا۔ یورپی کمشنر میگنس برونر نے غیر قانونی مائیگریشن کے خاتمے کے لیے حکومتِ پاکستان کے قانون سازی و ادارہ جاتی اقدامات کی تعریف کی اور مشترکہ لیبر موبلٹی کے فروغ کا اعادہ کیا