آئی سی سی ورلڈ کپ 2027 کے ٹکٹوں کے لیے درخواستیں 10 لاکھ سے تجاوز کر گئیں، پاک بھارت میچ کی سب سے زیادہ مانگ

آئی سی سی ورلڈ کپ 2027 کے ٹکٹوں کے لیے شائقین کی دلچسپی کا انوکھا عالم دیکھنے میں آ رہا ہے جہاں ٹکٹوں کے حصول کے لیے درخواستوں کی تعداد 10 لاکھ سے تجاوز کر گئی ہے۔ محض تین روز کے دوران 3 لاکھ 20 ہزار سے زائد شائقین نے ٹکٹ بیلٹ کے لیے رجسٹریشن کرائی ہے۔ جاری کردہ اعداد و شمار کے مطابق روایتی حریف پاکستان اور بھارت کے درمیان ہونے والے میچ کے لیے ٹکٹوں کی مانگ سب سے زیادہ ہے، جس کے لیے ایک لاکھ 10 ہزار سے زائد درخواستیں موصول ہوئی ہیں، جبکہ 7 نومبر کے پاک بھارت میچ کے لیے بھی الگ سے تقریباً 78 ہزار درخواستیں جمع ہو چکی ہیں۔ اس کے علاوہ جنوبی افریقہ اور بھارت کے میچ کے لیے 92 ہزار، بھارت اور آسٹریلیا کے میچ کے لیے 86 ہزار، اور ورلڈ کپ کے فائنل کے لیے تقریباً 69 ہزار درخواستیں موصول ہوئی ہیں۔ واضح رہے کہ ورلڈ کپ ٹکٹ بیلٹ کے لیے رجسٹریشن کا یہ سلسلہ 21 نومبر تک جاری رہے گا۔