جنسی ہراسانی کی شکایات، بھارتی ہاکی امپائر کو ایشین گیمز سے واپس بھیج دیا گیا

ایشین گیمز کے دوران بھارتی ہاکی امپائر اور ٹیکنیکل آفیشل گرندر سنگھ سنگھا کو مبینہ جنسی ہراسانی کی شدید شکایات کے بعد جاپان کے شہر ناگویا سے واپس بھارت بھیج دیا گیا ہے۔ بھارتی میڈیا کے مطابق ناگویا میں قیام کے دوران گرندر سنگھ پر ملائیشیا سے تعلق رکھنے والی ایک خاتون ہاکی عہدیدار اور ہوٹل کے عملے کے ساتھ انتہائی نامناسب رویہ اختیار کرنے کا الزام عائد کیا گیا ہے۔

ہاکی انڈیا کے عہدیدار نے تصدیق کی ہے کہ ملائیشین خاتون آفیشل کی جانب سے باضابطہ شکایت درج کرائے جانے کے بعد انہیں دو روز قبل ہی ٹورنامنٹ سے بلا کر واپس بھیج دیا گیا ہے۔ ہاکی انڈیا کا کہنا ہے کہ ایشین ہاکی فیڈریشن (AHF) سے حتمی تفصیلی رپورٹ موصول ہوتے ہی قصوروار پائے جانے پر ان کے خلاف سخت ترین قانونی و نظم و ضبط کی کارروائی کی جائے گی۔ واضح رہے کہ گرندر سنگھ پر اس سے قبل 2025ء میں بھی رانچی میں ہاکی انڈیا لیگ کے دوران ایک خاتون امپائر کو ہراساں کرنے کا الزام لگا تھا، تاہم تب عدم ثبوت پر انہیں بری کر دیا گیا تھا