خیبر پختونخوا کے حکومتی امور سے متعلق وفاقی حکمنامہ جاری، 11 رکنی مشاورتی کونسل قائم

وفاقی حکومت نے خیبر پختونخوا میں آئین کے آرٹیکل 232 اور 234 کے تحت ایمرجنسی کے باضابطہ نفاذ کے بعد صوبائی امور کی انجام دہی کا نیا فریم ورک طے کرتے ہوئے ‘وفاقی حکمنامہ نمبر 1/2026’ جاری کر دیا ہے۔ 11 اکتوبر 2026 کو جاری صدارتی اعلان کے تحت گورنر خیبر پختونخوا وفاقی حکومت کے نمائندے کی حیثیت سے صوبے کے تمام انتظامی امور سنبھالیں گے اور ان کی معاونت کے لیے 11 رکنی مشاورتی کونسل تشکیل دے دی گئی ہے۔ کونسل میں طارق محمود پاشا، ڈاکٹر سید عامر عبداللہ، لیفٹیننٹ جنرل (ر) نگار جوہر، ثمر ہارون بلور، ڈاکٹر سرفراز علی شاہ، عامر جاوید، ڈاکٹر ایم ارشاد، کفایت اللہ، مولانا محمد طیب قریشی، عثمان سیف اللہ خان اور آصف رفیق کو شامل کیا گیا ہے۔ اس کے علاوہ ثنا اللہ ایڈووکیٹ کو خیبر پختونخوا کا نیا ایڈووکیٹ جنرل مقرر کیا گیا ہے۔ حکمنامے میں واضح کیا گیا ہے کہ صوبائی امور خیبر پختونخوا گورنمنٹ رولز آف بزنس 1985 کے مطابق چلائے جائیں گے اور یہ حکمنامہ فوری طور پر نافذ العمل ہو گیا ہے۔