چیئرمین پی سی بی محسن نقوی کا قومی ٹیم کے اعزاز میں عشائیہ

پاکستان کرکٹ بورڈ (PCB) کے چیئرمین محسن نقوی نے سری لنکا کے خلاف 3 میچز پر مشتمل ٹی 20 سیریز کے باقاعدہ آغاز سے قبل قومی کرکٹ ٹیم کے اعزاز میں اسلام آباد کے ایک مقامي ہوٹل میں پرتعیش عشائیہ دیا، جس میں قومی اسکواد کے کھلاڑیوں، ن نئے مقرر کردہ کپتان صاحبزادہ فرحان اور ہیڈ کوچ مائیک ہیسن سمیت ٹیم انتظامیہ نے شرکت کی۔ چیئرمین پی سی بی نے کھلاڑیوں سے ملاقات کی اور سری لنکا کے خلاف سیریز میں بہترین اور جارحانہ کارکردگی کا مظاہرہ کرنے کی ہدایت کی۔

پاکستان اور سری لنکا کے درمیان سیریز کا پہلا ٹی 20 معرکہ آج 9 اکتوبر کو راولپنڈی کرکٹ اسٹیڈیم میں کھیلا جائے گا، جبکہ دوسرا میچ 11 اکتوبر اور تیسرا 13 اکتوبر کو راولپنڈی میں ہی منعقد ہوگا۔ نئے کپتان صاحبزادہ فرحان کی قیادت میں 15 رکنی قومی اسکواڈ میں تجربہ کار کھلاڑیوں فخر زمان، صائم ایوب، نسیم شاہ اور شاداب خان کے ساتھ ابھرتے ہوئے نوجوان کھلاڑیوں کو شامل کیا گیا ہے، جبکہ سری لنکا کی قیادت کوشل مینڈس کریں گے۔