آرٹیکل 232 کے تحت صدر کی طرف سے ایمرجنسی نافذ کرنے کا گزیٹ نوٹیفکیشن جاری

صدرِ مملکت آصف علی زرداری نے آئینِ پاکستان کے آرٹیکل 232(1) اور 234(1) کے تحت خیبر پختونخوا میں ایمرجنسی کے نفاذ کا باضابطہ گزٹ نوٹیفکیشن اور صدارتی فرمان جاری کر دیا ہے، جو کہ فوری طور پر نافذ العمل ہو گیا ہے۔ صدارتی فرمان میں مؤقف اختیار کیا گیا ہے کہ صوبے میں دہشت گردی کے واقعات، پرتشدد کارروائیوں اور قانون نافذ کرنے والے اداروں پر حملوں میں غیر معمولی اضافے کے باعث صوبائی حکومت امن و امان برقرار رکھنے اور لاقانونیت کے خطرات سے نمٹنے میں مکمل طور پر ناکام ہو چکی تھی، اور گورنر خیبر پختونخوا کی رپورٹ میں بھی آئینی نظام کی خرابی کی واضح نشاندہی کی گئی تھی۔ اس سنگین صورتحال کو پاکستان کی مجموعی سلامتی کے لیے خطرہ قرار دیتے ہوئے نئے احکامات کے تحت وزیر اعلیٰ خیبر پختونخوا، صوبائی وزراء، مشیران، معاونینِ خصوصی اور ایڈووکیٹ جنرل فوری طور پر اپنے عہدوں سے سبکدوش ہو گئے ہیں،جبکہ صوبائی اسمبلی کے تمام اختیارات پارلیمان یا اس کے مجاز ادارے کے ذریعے استعمال کیے جائیں گے اور گورنر صوبائی امور کو چلانے کے لیے اقدامات کریں گے۔