بھارت کے خلاف قومی ہاکی ٹیم کی کارکردگی حوصلہ افزا رہی: صدر پی ایچ ایف

پاکستان ہاکی فیڈریشن (پی ایچ ایف) کے صدر محی الدین وانی نے جاپان میں جاری ایشین گیمز کے ہاکی ایونٹ میں روایتی حریف بھارت کے خلاف قومی ٹیم کی شاندار مزاحمت اور فائٹ کو سراہتے ہوئے کہا ہے کہ 3 کے مقابلے میں 4 گول کی معمولی شکست کے باوجود ٹیم کی کارکردگی انتہائی حوصلہ افزا رہی۔ واضح رہے کہ میچ کے دوران بھارتی ٹیم نے ابتدائی 23 منٹ میں 3 گول کی برتری حاصل کر لی تھی، تاہم قومی کھلاڑیوں نے شاندار کم بیک کرتے ہوئے 30ویں، 45ویں اور 49ویں منٹ میں گول کر کے مقابلہ 3-3 سے برابر کر دیا، البتہ میچ کے آخری منٹ میں بھارت کے ابھیشیک نے فیصلہ کن گول کر کے کامیابی سمیٹ لی۔ صدر پی ایچ ایف نے کہا کہ قومی ٹیم کا ٹیکٹیکل ڈسپلن اور شاندار کم بیک اس بات کا ثبوت ہے کہ ہم درست سمت میں آگے بڑھ رہے ہیں، اور فیڈریشن کھلاڑیوں کو بہترین وسائل و بین الاقوامی ایکسپوژر فراہم کرنے کے لیے پرعزم ہے۔ انہوں نے کھلاڑیوں کو حوصلہ بلند رکھنے اور آئندہ میچز پر پوری توجہ مرکوز کرنے کی ہدایت کی۔