آئی سی سی نے کرکٹ کے تمام فارمیٹس کی پلیئنگ کنڈیشنز میں اہم تبدیلیاں کردیں

انٹرنیشنل کرکٹ کونسل (آئی سی سی) نے کرکٹ کے تمام فارمیٹس کی پلیئنگ کنڈیشنز میں اہم تبدیلیاں کرتے ہوئے نئے قوانین کا اعلان کر دیا ہے، جن کا اطلاق یکم اکتوبر سے شروع ہونے والی تمام انٹرنیشنل سیریز میں ہو گیا ہے۔ نئی تر ترمیمات کے مطابق ڈے ٹیسٹ میچز میں خراب روشنی سے بچاؤ کے لیے باہمی رضامندی سے ‘پنک بال’ کے تجرباتی استعمال کا فیصلہ کیا گیا ہے، جبکہ دن کے آخری اوور میں وکٹ گرنے پر اب لازمی طور پر کھیل ختم نہیں ہوگا بلکہ حالات سازگار ہونے پر جاری رکھا جاسکے گا۔ اس کے علاوہ ٹی ٹوئنٹی اور ون ڈے میچز میں پانی کے وقفے کے دوران ہیڈ کوچ یا نامزد نمائندے کو میدان میں آنے کی اجازت ہوگی، لیگ سائیڈ وائیڈ کے آزمائشی قانون کو مستقل کر دیا گیا ہے، اور وقت ضائع کرنے والے بیٹرز کو تیسری بار خلاف ورزی پر 5 پینلٹی رنز کی سزا دی جائے گی۔ آئی سی سی نے خواتین کرکٹ میں گیند کے سائز، اوور تھرو کے قانون کے ابہام اور رن آؤٹ/اسٹمپنگ کے دوران فیلڈر کے گیند پر مکمل کنٹرول سے متعلق ضابطوں کو بھی واضح کر دیا ہے۔