غلطیاں ٹھیک کیے بغیر ترقی ممکن نہیں، معاشی چیلنجز کو اقدامات کی ضرورت ہے: وزیراعظم

وزیراعظم محمد شہباز شریف نے پاکستان اسٹاک ایکسچینج کے ٹریڈنگ ہال میں منعقدہ تقریب سے ویڈیو لنک کے ذریعے خطاب کرتے ہوئے کہا ہے کہ معاشی بہتری کے لیے وفاقی اور صوبائی حکومتوں نے مشکل حالات میں مل کر کام کیا ہے، جس کے نتیجے میں ملکی زرمبادلہ کے ذخائر 21 ارب ڈالر تک پہنچ چکے ہیں اور روشن ڈیجیٹل اکاؤنٹس بھی بہتر ہوئے ہیں۔ نیا ناظم آباد اپارٹمنٹ ریٹ کی پبلک لسٹنگ کے موقع پر منعقدہ اس تقریب میں وزیر خزانہ محمد اورنگزیب، گورنر سٹیٹ بینک اور چیئرمین ایس ای سی پی نے بھی شرکت کی۔ وزیراعظم کا کہنا تھا کہ کامیاب سفارتکاری سے ملک میں سرمایہ کاری کی راہیں کھلی ہیں، کراچی میں تعمیراتی سیکٹر تیزی سے ترقی کر رہا ہے، اور اگر ہم اپنی غلطیوں کو درست نہیں کریں گے تو ترقی ممکن نہیں۔ انہوں نے مزید کہا کہ فیلڈ مارشل سید عاصم منیر اور مسلح افواج کی کوششوں سے پاکستان خطے میں ایک مثال بن کر ابھرا ہے، اور انشااللہ پاکستان دنیا کے نقشے پر ایک طاقتور معیشت کے طور پر سامنے آئے گا۔