ایشین گیمز والی بال: پاکستان کی بھارت کو شکست دیکر سیمی فائنل میں رسائی

جاپان میں جاری ایشین گیمز 2026ء کے مینز والی بال ایونٹ کے سنسنی خیز کوارٹر فائنل میں پاکستان نے روایت حریف بھارت کو 0-3 سے عبرتناک شکست دے کر سیمی فائنل میں جگہ بنا لی ہے۔ قومی والی بال ٹیم نے شاندار کھیل کا مظاہرہ کرتے ہوئے بھارت کو سٹریٹ سیٹس میں آؤٹ کلاس کیا۔ پاکستان نے پہلے سیٹ میں 25-19، دوسرے میں 25-23 اور تیسرے سیٹ میں 25-18 سے فتح حاصل کر کے میچ اپنے نام کر لیا۔

پاکستان نے یہ میچ صرف ایک گھنٹہ اور 20 منٹ میں جیتا، جس میں مجموعی طور پر 75 پوائنٹس حاصل کیے جبکہ بھارتی ٹیم 60 پوائنٹس ہی بنا سکی۔ قومی ٹیم نے بالخصوص اٹیکنگ اور بلاکنگ میں برتری قائم رکھی اور سپائیکس (Spikes) پر 50 جبکہ بلاکس پر 6 پوائنٹس حاصل کیے۔ پاکستان کی جانب سے مراد خان 22 پوائنٹس کے ساتھ سب سے نمایاں کھلاڑی رہے، جبکہ عثمان فریاد نے 9، حماد نے 8 اور مصور خان نے 7 پوائنٹس کا حصہ ڈال کر ٹیم کو شاندار فتح دلا کر سیمی فائنل کا ٹکٹ دلایا