ایشین گیمز سیمی فائنل، بنگلہ دیش کا پاکستان کو جیت کیلئے 112 رنز کا ہدف

جاپان کے شہر ناگویا (نشین) میں جاری ایشین گیمز 2026ء کے کرکٹ ایونٹ کے پہلے اہم سیمی فائنل میں بنگلہ دیش نے پاکستان کو کامیابی کے لیے 112 رنز کا ہدف دے دیا ہے۔ بارش کی وجہ سے تاخیر کا شکار ہونے والے اس سیمی فائنل میں پاکستان قومی کرکٹ ٹیم کے کپتان صاحبزادہ فرحان نے ٹاس جیت کر پہلے فیلڈنگ کرنے کا فیصلہ کیا، جس کے بعد میچ کو فی اننگز 13 اوورز تک محدود کر دیا گیا۔

بنگلہ دیشی ٹیم نے مقررہ 13 اوورز میں 7 وکٹوں کے نقصان پر 111 رنز بنائے۔ بنگلہ دیش کی جانب سے توحید ہردوئی 42 رنز بنا کر نمایاں بیٹر رہے۔ پاکستان کی طرف سے شاندار باؤلنگ کا مظاہرہ کرتے ہوئے سفیان مقیم نے 3 جبکہ عرافات منہاس نے 2 کھلاڑیوں کو آؤٹ کیا۔ اہم سیمی فائنل کے لیے پاکستان کی پلئینگ الیون میں کپتان صاحبزادہ فرحان، معاذ صداقت، عثمان خان، صائم ایوب، حسن نواز، عبدالصمد، عرافات منہاس، احمد دانیال، محمد وسیم، ابرار احمد اور سفیان مقیم شامل ہیں