احمد ظفر حیات نے سنگاپور اوپن سینیئر امیچرگالف چیمپئن شپ کا اوور آل ٹائٹل جیت لیا

پاکستان کے نامور گولفر احمد ظفر حیات نے شاندار اور جاندار کارکردگی کا مظاہرہ کرتے ہوئے سنگاپور اوپن سینئر امیچر چیمپئن شپ کا اوور آل ٹائٹل اپنے نام کر لیا ہے۔ پاکستانی کھلاڑیوں نے اس بین الاقوامی چیمپئن شپ میں مجموعی طور پر شاندار کھیل پیش کر کے ملک کا نام روشن کیا۔

ٹورنامنٹ کے دوران احمد ظفر حیات نے انتہائی مہارت کا مظاہرہ کرتے ہوئے تینوں راؤنڈز میں مجموعی طور پر 223 اسکور کے ساتھ پہلی پوزیشن حاصل کی اور ٹائٹل پر قبضہ جما لیا۔ اس کے علاوہ پاکستان کے ہی برگیڈیئر (ر) عمر اعجاز نے بھی بہترین کارکردگی کا مظاہرہ کرتے ہوئے 3 راؤنڈز میں 229 اسکور کے ساتھ چیمپئن شپ میں تیسری پوزیشن حاصل کی۔ سنگاپور اوپن میں شریک ایک اور پاکستانی کھلاڑی محمد احمد منان نے تین راؤنڈز میں مجموعی طور پر 250 اسکور کیا۔