ایشین گیمز میں شرکت کیلئے پاکستان کرکٹ ٹیم جاپان روانہ ہوگئی

ایشین گیمز میں شرکت کے لیے پاکستان کی کرکٹ ٹیم فتح کا عزم لیے جاپان روانہ ہو گئی ہے۔ قومی ٹیم ایونٹ میں اپنی مہم کا آغاز 28 ستمبر کو کھیلے جانے والے کوارٹر فائنل مرحلے سے کرے گی۔ روانگی سے قبل میڈیا سے گفتگو کرتے ہوئے قومی ٹیم کے کپتان صاحبزادہ فرحان نے کہا کہ ٹیم پر ایشین گیمز کے حوالے سے کسی قسم کا کوئی اضافی دباؤ نہیں ہے اور تمام کھلاڑی شاندار کارکردگی دکھانے کے لیے پُرعزم ہیں۔

کپتان صاحبزادہ فرحان نے مزید کہا کہ ٹیم کی توجہ صرف رواں روایتی حریف بھارت کے خلاف میچ پر نہیں بلکہ ایونٹ میں شامل ہر ٹیم کے خلاف یکساں فوکس رکھنے پر ہے۔ ان کا کہنا تھا کہ ہم ہر مقابلے کو اہمیت دے رہے ہیں اور ہماری کوشش ہو گی کہ حریف کو شکست دے کر ٹرافی حاصل کریں، پورا ٹورنامنٹ ہمارے لیے انتہائی اہم ہے اور ہم شائقین کو بہترین کھیل دیکھنے کو دیں گے۔