LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
جے شاہ دوسری مدت کیلئے بلامقابلہ آئی سی سی چیئرمین منتخب تھائی لینڈ کے سیاحتی جزیرے فوکٹ میں خوفناک آتشزدگی، 11 افراد ہلاک کراچی میں دہشتگردی کا بڑا منصوبہ ناکام، کالعدم تنظیم کے 2 کارندے گرفتار آئینی عدالت نے تھری ایم پی او کے تحت گرفتاریوں پر حکم امتناع میں ترمیم کر دی 13 سالہ لڑکی کا تشدد سے قتل کیس: پولیس افسر کی اہلیہ اور قاری کا جسمانی ریمانڈ منظور توانائی کی ترسیل کے لیے آبنائے ہرمز کا کوئی متبادل راستہ موجود نہیں: قطری وزیراعظم تاریخ میں پہلی بار صوبوں کی جانب سے وفاق کو 57 ارب 46 کروڑ کی گرانٹ پاکستان خطے میں ترقی کے لیے بات چیت سے تنازعات کا خاتمہ چاہتا ہے: اسحاق ڈار یمنی حکومتی فورسز کا باب المندب کے علاقے سے انخلا کا اعلان غیر محتاط الزام تراشی انسانی زندگیوں کیلئے خطرہ بن سکتی ہے: صدر، وزیر اعظم پاکستان سٹاک مارکیٹ میں کاروبار کا مثبت رحجان ای سی او وزرائے خارجہ کونسل کے اجلاس کا آغاز، وژن 2035 کی منظوری متوقع ڈسپلن کی خلاف ورزی اور ناقص کارکردگی، عماد بٹ اذلان شاہ ہاکی ٹورنامنٹ سے باہر جنوبی کوریا میں اے آئی کے ذریعے امتحان میں نقل کرنے والا ٹاپر پکڑا گیا ٹرمپ کی قدامت پسند ججوں کی تقرری کی کوششوں کو ریپبلکن سینیٹرز کی مخالفت کا سامنا

مفتاح اسماعیل کا نئے صوبوں کے بجائے بااختیار انتظامی یونٹس بنانے کا مطالبہ

Web Desk

12 September 2026

کراچی: سابق وزیر خزانہ مفتاح اسماعیل نے ملک میں نئے صوبوں کے قیام کے بجائے بااختیار انتظامی یونٹس قائم کرنے کا مطالبہ کیا ہے۔

ایک مقامی ہوٹل میں ’گریجویٹ فورم پاکستان‘ کے زیر اہتمام منعقدہ قومی مذاکرے سے خطاب کرتے ہوئے مفتاح اسماعیل نے ملک کے موجودہ انتظامی ڈھانچے اور بلدیاتی نظام پر شدید تنقید کی۔ انہوں نے کہا کہ ملک میں اس وقت نئے صوبوں کے حوالے سے بحث جاری ہے اور اس معاملے کو حل کرنے کے لیے پانچ ممکنہ آپشنز موجود ہیں۔ پہلا آپشن یہی ہے کہ موجودہ نقائص سے بھرپور نظام کو من وعن چلنے دیا جائے۔

دوسرے آپشن کے حوالے سے انہوں نے کہا کہ ایک بااختیار مقامی حکومتوں کا نظام نافذ کیا جائے، لیکن سیاسی حقائق اس کے منافی ہیں۔ انہوں نے تمام بڑی جماعتوں کو آڑے ہاتھوں لیتے ہوئے کہا کہ پیپلز پارٹی کے ہوتے ہوئے بااختیار مقامی حکومتیں بننا ناممکن ہے، پی ٹی آئی بڑی باتیں تو کرتی ہے مگر اس نے خیبر پختونخوا میں بااختیار بلدیاتی نظام قائم نہیں کیا، جبکہ مسلم لیگ (ن) کی صورتحال بھی سب کے سامنے ہے جس نے قراردادیں تو پاس کیں مگر عملی طور پر کچھ نہیں کیا۔

سابق وزیر خزانہ نے تیسرے اور سب سے جامع آپشن پر زور دیتے ہوئے کہا کہ ملک میں ایڈمنسٹریٹو (انتظامی) یونٹس بنائے جائیں۔ انہوں نے تجویز دی کہ لوکل گورنمنٹ کے نظام کو صوبوں کے تصرف سے نکال لیا جائے کیونکہ صوبائی حکومتیں مقامی حکومتوں کے قیام اور کارکردگی میں مکمل طور پر ناکام ہو چکی ہیں۔

مفتاح اسماعیل نے شکوہ کیا کہ ملک میں اس وقت صرف 800 افراد کی اجارہ داری ہے جو پورے نظام کو کنٹرول کر رہے ہیں۔ انہوں نے مطالبہ کیا کہ مقامی لوگوں کو بااختیار بنایا جائے تاکہ کراچی، لاڑکانہ، لاہور، پشاور اور کوئٹہ کے لوگ اپنے اپنے شہروں کا انتظام خود چلا سکیں۔

سندھ حکومت پر تنقید کرتے ہوئے انہوں نے کہا کہ پیپلز پارٹی کراچی کے عوام کو ان کا جائز حق دینے کے لیے تیار نہیں ہے؛ شہر کو نہ پانی مل رہا ہے، نہ روزگار اور نہ ہی بنیادی انفراسٹرکچر میسر ہے۔ انہوں نے برہمی کا اظہار کرتے ہوئے کہا کہ ان تمام مظالم کے باوجود یہ مطالبہ کیا جاتا ہے کہ نئے انتظامی یونٹس پر بات بھی نہ کی جائے، جو کسی صورت ممکن نہیں۔