انڈونیشیا کا جزیرہ جاوا 6.2 شدت کے زلزلے سے لرز اٹھا

انڈونیشیا کے گنجان آباد جزیرے جاوا میں 6.2 شدت کا شدید زلزلہ ریکارڈ کیا گیا ہے، جس کے باعث زلزلے کے جھٹکے محسوس ہوتے ہی شہریوں میں سخت خوف و ہراس پھیل گیا اور لوگ کلمہٴ طیبہ کا ورد کرتے ہوئے گھروں سے باہر نکل آئے। امریکی ارضیاتی سروے (USGS) کے مطابق زلزلے کے جھٹکے مقامی وقت کے مطابق صبح 4 بج کر 23 منٹ پر محسوس کیے گئے، جبکہ زمین کے اندر اس کی گہرائی تقریباً 358.6 کلومیٹر ریکارڈ کی گئی۔

زلزلے کا مرکز کافی گہرائی میں ہونے کے سبب فوری طور پر کسی بڑے جانی نقصان یا عمارتوں کے زمین بوس ہونے کی اطلاع سامنے نہیں آئی ہے۔ انڈونیشیا کے آفات سے نمٹنے کے قومی ادارے اور مقامی انتظامیہ کی جانب سے مختلف اضلاع میں صورتِ حال کا جائزہ لیا جا رہا ہے۔ حکام کے مطابق زلزلے سے متاثرہ علاقوں سے حتمی رپورٹس اور ممکنہ جزوی نقصانات سے متعلق تفصیلات جمع کی جا رہی ہیں جس کے بعد صورتِ حال مزید واضح ہو سکے گی۔